Një helikopter me 6 persona në bord është rrëzuar në lumin Hudson në Nju Jork. Policia lokale raporton se nuk ka të mbijetuar nga tragjedia.
Aksidenti ka ndodhur në West Side Highway dhe Spring Street. Në bordin e helikopterit ndodheshin edhe tre fëmijë, të cilët kanë humbur jetën.
Mediat amerikane raportojnë se viktimat janë nxjerrë nga vendi ku ndodhi përplasja. Trupi i pilotit u gjet brenda helikopterit.
Kryetari i bashkisë së Nju Jorkut, Eric Adams: Ngjarje tragjike!
Kryetari i bashkisë së Nju Jorkut, Eric Adams, ka postuar në Twitter në lidhje me aksidentin, duke e quajtur atë një “ngjarje tragjike”.
Ai vazhdon duke thënë se departamentet e zjarrit dhe policisë në Nju Jork po ndihmojnë ekipet e kërkimit në Nju Xhersi, të cilët gjithashtu po veprojnë. Ai këshilloi banorët vendas që të shmangin zonën.