Policia Kombëtare spanjolle ka sekuestruar 2000 kilogramë kokainë në një anije. Mësohet se anija po shkonte në brigjet e Galicisë me një sasi të konsiderueshme kokaine.
Mediat spanjolle raportojnë se pas hekurave ranë katër persona në anije, mes të cilëve një shqiptar, përfaqësues i organizatës që planifikonte të nxirrte ngarkesën në breg dhe kapiten i mjetit lundrues.
Droga, e cila i përket klanit ballkanik, është e njëjtë me 9.5 tonët e kapur në Algeciras. Deri më tani nuk dihen detaje nga aksioni në fjalë si dhe emrat e personave të arrestuar.
![](https://lajme24.net/wp-content/uploads/2023/09/16c75cc9-8962-4403-93ce-3c789c0787ee-1024x724.jpg)