Nga takimi me qytetarët në Kombinat, Sali Berisha ka akuzuar zv.kryeministren Belinda Balluku, duke thënë se nuk ka mbikëqyrur punimet e djegësit të Tiranës. Berisha tha se Balluku e dinte se nga ky projekt përfitonte Rama.
“Janë 130 milionë euro tuajat dhe djegësi nuk ekziston. Shteti, qeveria kishte një mbikëqyrje. Paguante tre rroga për mbikëqyrjen e punimeve. Por Lubi Balluku, duke i ditur që paratë shkonin në kontot e Ramës, nuk bënte asnjë raport dhe pas 6 vitesh nuk ka as nam as nishan. Janë zhdukur 130 milionë euro”, tha ish-kryeministri.