Një qendër tregtare në Lushnje është përfshirë nga flakët. Korrespondentja e Klan News, Anila Sefa raporton se disa persona kanë mbetur të bllokuar brenda qendrës tregtare.
Sipas informacioneve paraprake, dyshohet se nga tubat e ajrimit janë djegur kabujt elektrik, gjë që ka shkaktuar zjarrin. Nga ngjarja, mësohet se nuk ka persona të lënduar.
Nga pamjet që vijnë nga vendngjarja, shihen momentet kur disa nga qytetarët e bllokuar ndihmohen që të dalin nga dritarja.
Ambulanca dhe policia ndodhen në vendin e ngjarjes dhe po hetojnë rrethanat e ngjarjes.
“600-700 persona kur ka rënë zjarri në qendrën tregtare në Lushnje”, gazetarja: Po kërkohen njerëzit, po thyhen xhamat…
“Nuk dihet se sa persona kanë mbetur të bllokuar brenda qendrës tregtare, por në momentin që ka rënë zjarr kanë qenë 600 deri në 700 persona prezentë”, kështu ka raportuar gazetarja e Klan News, Anila Sefa nga Lushnja. Gjatë raportimit të Sefës, i është kërkuar që të largohet pasi si pasojë e flakëve po thyhen xhamat e qendrës tregtare.
Më tepër detaje nga situata e shkaktuar nga zjarri i rënë në qendrën tregtare në Lushnje, i ka dhënë Anila Sefa për Klan News.
Raportimi i gazetares Anila Sefa:
Pas 1 ore ka përfshirë që 12 katet e qendrës tregtare. Ka edhe disa kate qendra banimi, 3 kate janë biznese dhe 1 kat i nëndheshëm njësi tregtare. Dhjetra persona janë shoqëruar me ambulancë për të marrë ndihmën mjekësore. Në këto momente po na kërkojnë të largohemi pasi në këto momente si pasojë e nxehtësisë po plasen xhamat dhe rrezikojmë të dëmtohemi nga rënia e copave të xhamit. Vazhdon të dalë tym i zi që ka përfshirë të gjithë qytetin e Lushnjës. Këtu është e pamundur të qëndrosh, të thithësh një ajër toksik. 2 zjarrfikëse janë prezente. Nuk ka nisur akoma fikja e zjarrit. Akoma nuk duken flakët. E gjithë godina është përfshirë nga tymi i zi. 7 katet sipër të apartamentit kanë vetëm një dalje dhe po të dalin nga ajo derë është e pamundur se mund të asfiksohen nga tymi, ndaj dhe po dalin nga dritaret. Shumë persona, të cilët kanë jo vetëm apartamentet, por edhe bizneset vazhdojnë të qëndrojnë poshtë kësaj qendre tregatre të shokur dhe të tmerruar. Në momentin që ka rënë zjarr mund të ketë pasur 600 deri në 700 persona. Ka pasur numër të shtuar personash në këtë qendër. Vazhdojnë të kërkohen njerëzit në apartamente. Sa është numri i personave që kanë mbetur brenda, askush nuk e di. Tashmë kanë nisur të thyhen xhamat e qendrës tregtare. Qytetarët të tmerruar po shohin atë që po ndodh. Ka edhe pallate të ndërtuar para viteve 90 që janë shumë pranë.
Balla: Forcat zjarrëfikëse dhe policia po luftojnë për të vendosur nën kontroll situatën e rëndë
Një qendër tregtare në Lushnje është përfshirë nga flakët. Lidhur me këtë ngjarje ka reaguar edhe ministri i Brendshëm, Taulant Balla i cili shprehet se forcat zjarrëfikëse dhe policia po luftojnë për të vendosur nën kontroll situatën e rëndë.
“Një zjarr i madh në Qendrën Tregëtare Metropol në Lushnjë ka krijuar një situatë tepër të vështirë rreziku, ndërsa ndërtesa ka dhe mjedise banimi në katet e sipërme. Forcat zjarrfikëse dhe policia po luftojnë për të vendosur nën kontroll situatën e rëndë”, shkruan Balla.
Sipas informacioneve paraprake, dyshohet se nga tubat e ajrimit janë djegur kabujt elektrik, gjë që ka shkaktuar zjarrin. Nga ngjarja, mësohet se nuk ka persona të lënduar.
Nga pamjet që vijnë nga vendngjarja, shihen momentet kur disa nga qytetarët e bllokuara ndihmohen që të dalin nga dritarja.
Ambulanca dhe policia ndodhen në vendin e ngjarjes dhe po hetojnë rrethanat e ngjarjes.
Njoftimi i policisë:
Rreth orës 14:40, njoftohemi se në Qendrën Tregtare “Metropol” në qytetin e Lushnjës ka rënë zjarr.
Shërbimet e Komisariatit të Policisë Lushnjë dhe Forca e Posaçme “Shqiponja” kanë shkuar në vendngjarje dhe po marin masa për evakuimin e qytetarëve dhe banorëve në qëndrën tregtare.
Janë dërguar edhe forcat e sigurisë kombëtare në mbeshtetje të Policisë Vendore për evakuimin e qytetarëve.
Shërbimet zjarrfikëse ndodhen në vendngjarje dhe po punojnë për shuarjen e flakëve.
Eshtë ngritur një grup i posaçëm hetimor dhe në drejtimin e Prokurorisë, po punohet për zbardhjen e rrethanave të rënies së zjarrit.