Kontrolle të reja janë ushtruar nga policia e Romës në banesën e të dashurit të Ilaria Sula, studentes shqiptare 22-vjeçare, që u godit me thikë për vdekje dhe u gjet në një valixhe në Poli. Sipas mediave italiane, është sekuestruar një kompjuter.
Kujtojmë se gjykata konfirmoi më 4 prill arrestimin e Mark Antony Samsonit, i cili pranoi vrasjen e vajzës. Gjyqtari për hetimet paraprake, në vendimin e tij, identifikoi të gjitha kushtet për të cilat bëhet e nevojshme masa e paraburgimit për Mark Samson si mundësia për arratisje, prishje provash dhe kryerja e krimeve të tjera.
Ai ka treguar se pasi ishte zgjuar, kishte lexuar një mesazh që kishte mbërritur në telefonin e Ilarias dhe e goditi atë në qafë me thikë. Arma e ftohtë, së bashku me një çantë me tapetin dhe leckat e përdorura për të pastruar dhomën, ishin hedhur në kosh, ndërsa telefoni në pusetë.
Priten prova për praninë e prindërve në shtëpi në momentin e krimit nga kontrollet e urdhëruara nga prokurorët e prokurorisë së Romës në qelitë telefonike. I riu dje para gjyqtarit hetues pretendoi se gjithçka e kishte bërë i vetëm dhe për pyetjet konkrete për nënën dhe babanë e tij megjithatë shfrytëzoi të drejtën për të mos u përgjigjur.