Një sërë pasgoditjesh kanë pasuar tërmetin e madh me magnitudë 6.2 që ndodhi pasditen e së mërkurës në Stamboll, në Detin Marmara. Lëkundjet mbi 4 të shkallës Rihter kanë shkaktuar shqetësim tek banorët e qytetit në Turqinë Perëndimore, ku e fundit është regjistruar me magnitudë 4.9 të shkallës Rihter, sipas Agjencisë Turke të Menaxhimit të Fatkeqësive dhe Emergjencave (AFAD.
Pasgoditja më e madhe, megjithatë, u regjistrua në 5.9 të shkallës Rihter, sipas AFAD, dy minuta pas 6.2, e ndjekur nga të tjerat me magnitudë 4.9, 4.8, 4.5 dhe 4.4 të shkallës Rihter. Ndërkohë gjeologu turk, Naci Gorur në një postim në “X” është shprehur se një tërmet më i fortë pritet të godasë Stambollin dhe autoritetet e qytetarët duhen të jenë të përgatitur.
“Ka shumë tërmete në çarjen e Kumburgazit në Detin Marmara në Stamboll. Ata janë të magnitudave të ndryshme. Këta nuk janë tërmetet e mëdha që presim në Marmara. Këta rrisin stresin e akumuluar. Me fjalë të tjera, ata e detyrojnë atë të thyhet. Tërmeti i vërtetë këtu do të jetë më i madh dhe mbi magnitudë 7. Masat paraprake nuk ka, qeveria, pastaj bashkia dhe publiku duhet të punojnë së bashku për ta përgatitur qytetin për një tërmet.”, thuhet në postimin e tij.