Familjarët kanë tërhequr nga morgu trupin e palestinezes, Rayyan Alwan, e cila u vra me thikë nga babai i saj, me këtë të fundit që është shpallur në kërkim policor. Ka qenë tezja e 24 vjeçares, e cila ka tërhequr trupin, 2 muaj pas vrasjes.
Ngjarja e rëndë ndodhi në muajin shkurt në një banesë që ata kishin marre me qira në kryeqytet. Pas krimit të rëndë, babai i 24 vjeçares, Fadi Alwan është larguar nga Shqipëria ndërsa ende nuk është gjurmuar nga autoritetet.
Motivet e ngjarjes mbeten edhe të paqarta. Nga hetimet e kryera, personi i fundit me të cilin ka komunikuar e reja është i dashuri i saj,të cilin e ka njohur në Gjermani. Mësohet se ai punonte në një supermarket në Gjermani pranë restorantit ku punonte Rayyan.
Miqtë e 24-vjeçares kanë rrëfyer së fundmi shkakun që sipas tyre i ati i saj e ekzekutoi me thikë të renë. Në një intervistë për News 24 thanë se nëna e Rayan ishte në konflikt të vazhdueshëm me të bijën për shkak të punës që kishte zgjedhur të bënte. Sipas tyre nëna e 24-vjeçares ishte punonjëse seksi dhe kishte frikë se e bija mund t’i ekspozonte të vërtetën.
Ata kanë shpjeguar se prindërit e 24-vjeçares kanë inskenuar gjithçka duket menduar se nëse vrasja do të kryhej në Shqipëri, atëherë miqtë e saj nuk do të zbulonin të vërtetën.
Ndërkohë më herët ishte raportuar se jeta që bënte viktima pas divorcit ishte kundërshtuar nga babai i saj, Fadi Alwan, i cili i mori edhe jetën duke e qëlluar me thikë për vdekje.