Të shtëna me armë zjarri janë raportuar ditën e sotme rreth orë 11:00 në parkimin e një lokali në Thumanë. Sipas informacioneve policore, pas një konflikti çasti është qëlluar me armë zjarri në drejtim të automjetit të parkuar.
Nga të shtënat, fatmirësisht nuk ka pasur persona të dëmtuar. Policia bën me dije se autori i dyshuar është identifikuar dhe është larguar nga vendngjarja me një automjet. Grupi hetimor po vijon me hetimet për zbardhjen e plotë të ngjarjes ku janë gjetur dhe sekuestruar dy gëzhoja.