Një i vdekur dhe tre të plagosur është bilanci i një sulmi me thikë brenda një shkolle në qytetin e Nantes në Francën perëndimore këtë të mërkurë.
Sipas njoftimit të policisë franceze, viktima është një nxënës i shkollës, ndërsa autori i dyshuar është një tjetër nxënës, 15 vjeç, i cili u neutralizua nga mësuesit përpara se të mbërrinte policia në vendngjarje.
Identiteti i viktimës dhe të plagosurve nuk është bërë publik, ndërsa autoritetet kanë nisur hetimet për të zbuluar shkaqet që çuan në këtë akt të rëndë brenda mureve të shkollës.
“Ne dolëm nga klasa jonë në orën 13:00 dhe pamë shumë studentë që qanin. “Nuk e kuptuam pse,” tha një student i vitit të parë. “Jemi shumë të tronditur. Këtë e shihni vetëm në televizion. “Ne nuk mendonim se kjo mund të ndodhte në shkollën tonë të mesme,” rrëfen një student tjetër. Ende nuk e kemi kuptuar se çfarë ka ndodhur, është tronditëse”, tha një tjetër gjimnaziste.
Zëdhënësi i policisë bëri të ditur se deri tani nuk ka asnjë shenjë që të tregojë për një motiv terrorist pas sulmit
Ngjarja ka shkaktuar tronditje të madhe në opinionin publik francez dhe ka ringjallur debatet mbi sigurinë në ambientet shkollore.