Presidenti i Italisë Sergio Mattarella është shtruar në spitalin Santo Spirito në Romë mbrëmjen e kësaj të marte për vendosjen e një implanti kardiak. TGCom shkruan se lajmi është konfirmuar nga burime mjekësore, duke sqaruar se gjendja e kreut të shtetit “është e mirë”.
Presidenca italiane gjithashtu vuri në dukje se “operacioni ishte planifikuar dhe nuk shkakton ndonjë shqetësim”. Presidenti kishte punuar rregullisht gjatë ditës, duke pritur edhe Presidentin e Malit të Zi.
Ndërkohë janë anuluar angazhimet nga axhenda e kreut të shtetit për ditët në vijim. Nuk kanë munguar mesazhet e mbështetjes për kreun e shtetit italian.
Kryeministrja Giorgia Meloni shkroi: “Urimet e mia të përzemërta Presidentit Mattarella për një shërim të shpejtë dhe të plotë. Italia e pret atë së shpejti, me forcën dhe përkushtimin e përhershëm.”
83-vjeçari Sergio Mattarella është President i Italisë që nga viti 2015. Ai është siçiliani parë që ka mbajtur këtë post. LAJME24