Një ndeshje spektakolare në stadiumin “Air Albania” në Tiranë, ku Shqipëria ka mposhtur 2 me 0 Poloninë me dy gola të mrekullueshëm.
Sfida u shënua në minutën 37’, kur Jasir Asani shënoi një supërgol nga jashtë zone duke ngritur në këmbë stadiumin “Air Albania”.
Pjesa e parë u mbyll me këtë rezultatet, ndërsa e dyta nisi disi më qetë. Në minutën e 60’ disa zëvendësime i dhanë një hov tjetër lojës.
Mirlind Daku, i cili sapo ishte futur në lojë, shënoi golin e dytë për Shqipërinë në minutën 62’.
Me fitoren ndaj Polonisë, Shqipëria udhëheq Grupin E.
Ndeshja, e vlefshme për eliminatoret e Euro 2024, u përcoll me atmosferë elektrizuese nga tifozët kuqezi në stadiumin “Air Albania”, por dhe me emocione të mëdha në ekranin e televizionit Klan.
Grupi E
Shqipëria 10 pikë
Çekia 8 pikë
Moldavia 8 pikë
Polonia 6 pikë
Ishujt Faroe 1 pikë
Përfundon gjithçka, Shqipëria mund 2 me 0 Poloninë
4 minuta shtesë
Minuta 80’ – Zëvendësim për Shqipërinë. Del Nedim Bajrami, hyn në fushë Gjasula.
Minuta 71’ – Goditje dënimi për Poloninë.
Minuta 70’ – Zëvendësime për Shqipërinë. Dalin Asllani dhe Asani, hyjnë Bare dhe Muja. Zëvendësime edhe për Poloninë.
Minuta 67’ – Goditje dënimi për Shqipërinë, pret portieri.
Minuta 62’ – Mirlind Daku hyn në fushën e lojës dhe shënon golin e 2 për Shqipërinë.
Minuta 60’ – Karton i verdhë për Krikovjak.
Minuta 51’ – Goditje këndi për Poloninë.
FILLON PJESA E DYTË
PËRFUNDON PJESA E PARË, 1 ME 0 PËR SHQIPËRINË
8 minuta shtesë
Minuta 37’ – Shqipëria kalon në avantazh, supergol nga Jasir Asani.
Minuta 36’ – Kristjan Asllani rrezikon portën kundërshtare, topi përfundon mbi traversë.
Minuta 33’ – Zëvendësim për ekipin polak.
Minuta 21’ – Shënon Polonia, por anulohet, pozicion jashtë loje.
Minuta 19’ – Nedim Bajrami rrezikon portën kundërshtare.
Minuta 9’ – Goditje e lirë për Shqipërinë në zonën e rreptësisë së Polonisë.
Minuta 0′ – Nis sfida Shqipëri-Poloni në stadiumin “Air Albania”. 1 minutë heshtje në nderim të viktimave nga tërmeti në Marok.