Një bombol gazi në Fier ka shpërthyer dy herë dhe për pak ka shkaktuar një tragjedi. Ngjarja ka ndodhur rreth orës 11:20, në lagjen “Konferenca e Pezës” në banesën e shtetasit me iniciale E. H. Nga shpërthimi i bombolës ka mbetur i plagosur pronari i shtëpisë, i cili ndodhet në spital për mjekim.
Bombola ka shpërthyer për herë të dytë në momentin që në vendngjarje kanë ndërhyrë shërbimet e policisë dhe forcat zjarrfikëse. Për pasojë janë dëmtuar 2 efektivët me iniciale Xh. P. dhe I. K., si edhe një punonjës i zjarrfikëses, shtetasi me iniciale Sh. K., të cilët po marin mjekim në spital, jashtë rrezikut për jetën.
Njoftimi i policisë:
Rreth orës 11:20, në lagjen “Konferenca e Pezës”, në banesën e shtetasit E. H., ka shpërthyer një bombël gazi ku për pasojë është dëmtuar dhe ndodhet në spital për mjekim pronari i banesës.
Gjatë ndërhyrjes së shërbimeve të Policisë dhe forcave zjarrfikëse, bombula ka pasur një shpërthim të dytë dhe për pasojë janë dëmtuar 2 punonjës të policisë, shtetasi Xh. P. dhe I. K., si edhe një punonjës i zjarrfikëses, shtetasi Sh. K., të cilët po marin mjekim në spital, jashtë rrezikut për jetën. Grupi hetimor po punon për zbardhjen e plotë të rrethanave të ngjarjes.