Qindra mijëra njerëz në 40 qytete spanjolle demonstruan sot (5 prill) kundër rritjes së çmimeve të qirasë dhe mungesës së banesave të përballueshme në një vend që gëzon rritjen më të shpejtë ekonomike në Evropë dhe megjithatë vuan nga një mungesë e madhe banesash e përkeqësuar nga bumi i turizmit. Qeveria e qendrës së majtë të Spanjës po përpiqet të gjejë një ekuilibër midis tërheqjes së turistëve dhe emigrantëve për të mbushur boshllëqet e vendeve të punës dhe për të mbajtur qiratë të përballueshme për qytetarët spanjollë, pasi pronat me qira afatshkurtër (air bnb) për turistët po shtohen në qytetet kryesore dhe destinacionet bregdetare.
“Pavarësisht se kush është në qeveri, ne duhet të mbrojmë të drejtat e strehimit,” bënin thirrje demonstruesit duke tundur zinxhirët e çelësave në Madrid, ku më shumë se 150,000 protestues marshuan nëpër qendrën e kryeqytetit, sipas sindikatës lokale të qiramarrësve.
Qiratë mesatare janë dyfishuar dhe çmimet e banesave janë rritur me 44% në dekadën e fundit, sipas të dhënave nga uebsajti i pronave Idealista, duke tejkaluar shumë rritjen e pagave. Në të njëjtën kohë, oferta e banesave me qira është përgjysmuar që nga pandemia e vitit 2020.