Klerent Bozhanaj është autori i dyshuar i plagosjes së efektivit Edlir Alleshi mbrëmjen e sotme në Kinostudio.
Edhe pse ka kaluar më shumë se një orë nga ngjarja e ndodhur në rrugën ‘Hysen Xhura’, autori vijon të jetë në arrati.
Ai është i armatosur dhe konsiderohet i rrezikshëm.
Policia ka vënë në dispozicion 20000 euro për këdo që jep informacione për autorin e arratisur.
Njoftimi i policisë Tiranë:
Informacion shtesë/ Shërbimet e Forcës së Posaçme “Shqiponja”, shërbimet e Forcës së Posaçme Operacionale, Patrullat e Përgjithshme të mbështetura nga Renea, po vijojnë ndjekjen dhe kontrollin e zonës, për kapjen e personit të armatosur, shtetasit Klerent Bozhanaj, 42 vjeç, që plagosi punonjësin e Policisë, inspektor E. A.
Policia e Shtetit kërkon bashkëpunimin e qytetarëve që kushdo që ndeshet të bëjë kujdes pasi ky shtetas është i armatosur, dhe të njoftojnë menjëherë shërbimet e Policisë.
DVP Tiranë fton qytetarët që të japin informacion për autorin e kësaj ngjarjeje dhe vendos shpërblim 20000 euro, për çdo informacion të vlefshëm që do të çojë në kapjen e autorit.
Drejtoria Vendore e Policisë Tiranë vendos në dispozicion të qytetarëve, numrin e telefonit 0694111546, duke garantuar anonimatin e plotë të çdo telefonuesi.