Karabinierët italianë në Xhenova arrestuan 2 persona të dyshuar për trafik droge, njëri prej të cilëve ishte një 48-vjeçar shqiptar.
Gjatë aksionit u sekuestruan mbi 5 kilogramë kokainë dhe hashash me vlerë tregu 400 mijë euro, si dhe valutë cash.
Ndërhyrja u krye në zonën midis Oregina dhe Castelletto. Efektivët pikasën fillimisht një automjet të dyshimtë, të cilin e drejtonte bashkëpunëtori i shqiptarit, një 40-vjeçar italian me precedentë penalë. Nervozizmi i tyre shtoi dyshimet e karabinierëve, që fillimisht zbuluan një bllok hashash 100 gramë, ende i paprekur.
Hetimet u shtrinë edhe më tej më datën 3 prill, për goditjen e rrjetit kriminal. 48-vjeçari shqiptar, teksa po dilte nga dera e godinës u kap nga policia pas një arratisjeje nëpër rrugët e ngushta të zonës, gjatë së cilës tentoi të hiqte qafe një zarf.
Brenda tij u gjetën më shumë se 2 kilogramë kokainë, nga e cila një bllok ende i mbyllur me shirit ngjitës peshonte 1 kilogram, ndërsa pjesa e mbetur u ishte ndarë në mbështjellës të ndryshëm të mbështjellë, me peshë nga 100 deri në 600 gramë dhe gati për shitje.
Kontrolli i mëpasshëm personal i shtëpisë çoi në gjetjen e shumës së parave prej 11 200 euro, si dhe gati 3 kilogramë hashash, të ndara në pako, gjithsej 28 blloqe nga afërsisht 100 gramë secila, informon media italiane. Të dy të arrestuarit u vendosën në burgun e Marassit.