Vranësirat do të jenë prezente që në orët e para të mëngjesit dhe në zonat qëndrore dhe juglindore do të gjenerojnë reshje të pakta shiu.
Parashikohet që pas mesditës dhe në vijim moti të jetë nën ndikimin e vranësirave dhe shirave në të gjithë territorin, ku në qendër dhe lindje do të ketë edhe rrebeshe afatshkurtra shiu.
Temperaturat e ajrit do të pësojnë rënie si në mëngjes edhe në mesditë duke luhatur vlerat ditore nga 4°C vlera minimale e shënuar në zonat verilindore deri në 24°C vlera maksimale e cila pritet në qarkun e Vlorës. Era do të fryjë e lehtë dhe mesatare gjatë gjithë ditës duke arritur shpejtësinë maksimale deri në 30 km/h nga drejtimi perëndimor e për pasojë në brigjet e Adriatikut dhe Jonit të krijohet dallgëzim i ulët.