Ndeshja mes Rumanisë dhe Kosovës është pezulluar. Ky ka qënë vendimi i arbitrit francez Delajod W., i këshilluar edhe me asistentët dhe me UEFA, në ndeshjen kualifikuese të Euro 2024.
![](https://lajme24.net/wp-content/uploads/2023/09/ne-baze-1.gif)
Kjo pasi disa tifozë rumun kanë ndezur mjete piroteknike dhe situata në stadiumin Arena Nationala (Bucharest) nuk duket aspak e qetë. Gjithashtu, në tribuna është shfaqur edhe baneri “Kosova është Serbi”. Skuadrat janë në dhomat e zhveshjes, në pritje të një vendimi përfundimtar. Vlen të theksojmë se Rumania është një nga vendet e Bashkimit Europian, të cilat akoma nuk e kanë njohur pavarësinë e Kosovës.
Sipas asaj që shkruan gazetari nga Kosova, Arlind Sadiku, aktualisht po mbahet takim me dyer të mbyllura mes përfaqësuesve të dy ekipeve.