Katër punonjës të UKT-së nuk merrnin vetëm një rrogë në muaj, por dy rroga, për të njëjtën detyrë dhe për të njëjtin orar. Pra në fund të muajit atyre iu kaloheshin dy rroga në logarinë bankare.
Lajmi është bërë me dije nga prokuroria e Tiranës, e cila njofton se ka vendosur arrest me burg për dy persona dhe detyrim paraqitje për dy të tjerë.
Këta punpnjës kanë arritur të vjedhin 210 milionë lekë përmes rrogave të dublikuara.
“Shtetasi S.Zh, i punësuar pranë kësaj shoqërie me detyrën e specialistit në Sektorin e Tatim Taksave në Drejtorinë Ekonomike të kësaj shoqërie, i ngarkuar me detyrën e përpilimit dhe dërgimin në Bankë të listëpagesave për pagat e punonjësve të kësaj shoqërie, ka dubluar emrat e shtetasve S.Zh, R.L, E.L dhe A.Xh, të cilët ishin punonjës të kësaj shoqërie për periudhën Prill 2018- Korrik 2023 duke shkaktuar dëm në vlerën totale 21,679,805 lekë.” – njofton prokuroria.