Në rezultatet e përditësuara të KQZ-së, kutitë e fundit në Tiranë dhe votat e ardhura nga diaspora kanë ndryshuar rezultatet për ndarjen e mandateve. Partia Socialiste numëron tashmë 83 mandate duke marrë një madat të PD-së në Vlorë ku ndarja tashmë është 9-3 për partinë në pushtet.
PD humbet edhe një mandat nga lista e sigurt. Koalicioni i PD-Aleanca për Shqipërinë Madhështore ka zbritur në 50 mandate pasi përveç një mandati të humbur në Vlorë i ka ikur edhe 1 në Tiranë që i ka kaluar Partisë “Mundësia”. Kështu forca e drejtuar nga Agron Shehaj shkon në 2 mandate.
PSD ka 3 mandate, dhe nga një mandat mbeten “Nisma Shqipëria Bëhet” dhe “Lëvizja Bashkë”. Në Tiranë kanë mbetur edhe 36 kuti për t’u numëruar. Ndërsa nga votat e diaporës janë numëruar 67 834 vota nga 194 838 zarva që kanë ardhur nga jashtë. LAJME24