Kreu i Partisë Demokratike, Sali Berisha, ka denoncuar disa raste të krimeve elektorale. Rasti i parë i takon një skandali në lidhje me blerjen e votave nga deputeti Vullnet Sinaj në Bashkinë e Selenicës dhe në lumin e Vlorës. Përmes një postimi në rrjetin social Facebook, kryedemokrati ka publikuar një informacion që është dërguar nga një qytetar. Ai shpjegon se Sinaj, me ndihmën e një “armate” të kamufluar, ka përgatitur listat dhe zarfat për shpërndarjen e votave në këto zona. Në denoncimin e qytetarit janë të përfshira figura të ndryshme nga politika dhe biznesi. Aty përfshihen edhe familjarë të kryebashkiakëve dhe menaxherë të bizneseve lokale, që po ushtrojnë presion për të manipuluar rezultatin zgjedhor.
Denoncimi i dytë i referohet mesazhit të një qytetari në zonën e Shkozetit. Ai thotë se dy persona me motor po shpërndajnë zarfe në banesa. Berisha thotë se dënon ‘aktin kriminal’ duke publikuar videon ku shihet një person teksa i jep zarfi një qytetari.