Një ngjarje e rëndë u regjistrua pasditen e sotme në qytetin e Laçit. Pesë persona kanë mbetur të plagosur si pasojë e të shtënave me automatik pranë ish-Gjykatës. Mësohet se të plagosurit janë Liridon Ismaili, Daniel Gjeloshi, Geri Bitri, Amarildo Ndoj dhe Angjelina Gjezaj, kjo e fundit shitëse ambulante në vendin ku u regjistruan të shtënat.
Mësohet se një makinë është pikasur në flakë në Balldre të Lezhë. Mjeti dyshohet se është përdorur gjatë atentatit me kallashnikov. Ndërkohë në vendngjarje kanë mbërritur forca të shumta policie, të cilat kanë rrethuar zonën dhe po kryejnë hetime intensive.