Kreu i Autoritetit Rrugor Shqiptar, Gentian Gjyli, ka konfirmuar për gazetarët pas daljes nga SPAK se është marrë zyrtarisht i pandehur.
Gjyli reagoi i nervozuar dhe u përplas me median, duke i shtyrë kameran një gazetareje dhe duke i thënë: “Mos më hajde nga mbrapa”.
Burime bëjnë me dije se SPAK i ka komunikuar akuzën për shkelje të barazisë në tendera, një vepër penale që lidhet me procedurat e prokurimit publik. Bashkë me të, si të pandehur janë marrë edhe anëtarët e Komisionit të Vlerësimit të Ofertave.
Hetimet kanë në fokus mënyrën se si janë zhvilluar disa procedura tenderimi në institucionin që ai drejton, me dyshime për favorizim të operatorëve të caktuar.