Policia ka vënë në pranga tre persona të dyshuar për dhunë. Një 35-vjeçar është arrestuar pasi ka ushtruar dhunë ndaj nënës së tij. Ndërkohë në fshatin Visokë është arrestuar një 53-vjeçar pasi ka ushtruar dhunë ndaj kushëririt të tij. Në Lushnje një 66-vjeçar është vënë në pranga pasi ka kanosur ish- bashkëshorten e tij, e cila kishte urdhër mbrojtjeje.
“Shërbimet e Komisariatit të Policisë Fier:
Arrestuan në flagrancë shtetasin J. B., 35 vjeç, banues në Fier, pasi dyshohet se ka ushtruar dhunë ndaj nënës së tij.
Shërbimet e Komisariatit të Policisë Mallakastër arrestuan në flagrancë shtetasin F. Xh., 53 vjeç, banues në fshatin Visokë, pasi dyshohet se ka ushtruar dhunë ndaj kushëririt të tij. Shërbimet e Komisariatit të Policisë Lushnjë:
Arrestuan në flagrancë shtetasin K. M., 66 vjeç, banues në Lushnjë, pasi dyshohet se ka kanosur ish-bashkëshorten e tij, e cila ishte e pajisur me urdhër mbrojtjeje. Ky shtetas u kap në flagrancë, duke drejtuar motomjetin, në gjendje të dehur”, njofton policia.