Kryesuesi i Komitetit për Punë të Jashtme të Parlamentit të Gjermanisë (Bundestag), Michael Roth, teksa ka komentuar sulmin ndaj Policisë së Kosovës në veri të vendit, ka shprehur kureshtjen e tij se çfarë justifikimi ka për të nxjerrë presidenti serb, Aleksandar Vuçiq.
Nëpërmjet një postimi në platformën “X”, Roth ka thënë se dhuna brutale nuk mbaron kurrë.
“Dhuna brutale thjesht nuk mbaron kurrë. Tani ka vdekur një polic kosovar. Bandat serbe me mbështetje të drejtpërdrejtë nga Beogradi ndoshta janë përsëri përgjegjëse për këtë. Jam kurioz të shoh se çfarë justifikimi mund të nxjerrë presidenti Vuçiç këtë herë”, ka shkruar deputeti gjerman.
Ministria e Punëve të Jashtme të Gjermanisë e ka dënuar sulmin ndaj Policisë së Kosovës në veri, dhe e ka nisur emisari e tyre për Ballkanin Perëndimor, Manuel Sarrazin.
“Dënojmë me termat më të ashpër sulmin e tmerrshëm ndaj Policisë së Kosovës. Grupet e armatosura të paligjshme duhet të ndalojnë rrezikimin e jetëve. Autorët duhet të mbajnë përgjegjësi”, thuhet në njoftimin e MPJ-së të shtetit gjerman.
Më tej ata kanë treguar se “Manuel Sarrazin udhëton sot për në Kosovë”.
Die brutale Gewalt nimmt einfach kein Ende. Nun kam ein kosovarischer Polizist zu Tode. Vermutlich tragen dafür wieder serbische Gangs (mit direkter Unterstützung aus Belgrad) die Verantwortung. Ich bin gespannt, was Präsident @avucic diesmal als Ausrede einfällt. https://t.co/0Qjmafe6ax
— Michael Roth – official 🇪🇺🇺🇦 (@MiRo_SPD) September 24, 2023