Pas një defekti që ka pësuar ashensori i një pallati ende në ndërtim, në Tiranë ka ndodhur një ngjarje tragjike. Bëhet e ditur se ka humbur jetën një 58-vjeçar. Ngjarja është regjistruar te ish-Fusha e Aviacionit. Ashensori ka rënë nga kati i parë, në katin minus një, teksa i ndjeri është shtetasi T. M., 58 vjeç.
Njoftimi i Policisë
Tiranë/Informacion paraprak Më datë 08.10.2023, rreth orës 11:30, te ish-Fusha e Aviacionit, dyshohet se si rezultat i një defekti, ka rënë nga kati i parë, në katin minus një, ashensori i një pallati në ndërtim e sipër. Si pasojë ka ndërruar jetë shtetasi T. M., 58 vjeç, për të cilin kanë kallëzuar familjarët, se ditën e djeshme nuk është kthyer në banesë. Grupi hetimor po punon për zbardhjen e rrethanave të ngjarjes.