Kreu i Partisë Demokratike ka zhvilluar ditën e sotme takime me banorë dhe tregtarë të degës 8 në Tiranë. Gjatë bisedës me tregtarët, Berisha u ka shpjeguar programin e ‘Aleancës për Shqipëria Madhështore’ për biznesin e vogël dhe lehtësirat që do të ju krijojë qeverisja pas fitores në 11 maj.
Ai theksoi se do të paguhet për energjinë elektrike me 6 lek si dhe tarifat për ujin do të përgjysmohen. Sipas tij gjobat e vendosura me arbitraritet do të falen.
“Do ta blini energjinë me 6 lek. Tarifat e ujit do të përgjysmohen. Taksat e shumta që vendos bashkia mbi ju, tarifat nuk do të jenë kurrë më shumë se 1% e xhiros. Sot i keni 8 apo dhe 10% të xhiros. Jo nuk do jenë. Gjobat do të falen. Gjobat e vendosura me arbitraritet nga këta plaçkitës do të falen. Ne e konsiderojmë të një rëndësie shumë të madhe suksesin e biznesit të vogël.
Do të ulim nga 1500 në 120 tarifën e hapësirës publike, aq e keni pasur. Do bëjë të mundur që edhe të fitoni më shumë edhe ta zgjeroni biznesin,” tha Berisha.