Të shtunën në mbrëmje, Vlora u trondit nga ekzekutimi i 41-vjeçarit Laert Keka alias Leartiad Lekaj në mes të rrugës.
Ai ka qenë duke lëvizur me motor kur ka pikasur makinën tip “Audi A6” të autorëve që po e ndiqte nga pas. Në tentativë për t’u larguar është përplasur nga makina e autorëve.
Megjithatë pas kësaj ai është përpjekur të largohet me vrap, duke përshkruar vetëm disa metra pasi vrasësit e qëlluan atë nga afër me gjashtë plumba pistolete.
Menjëherë pas ngjarjes 3 autorët janë larguar në drejtim të paditur ndërsa policia ende nuk ka rënë ende në gjurmët e tyre.
Në zonën ku ka ndodhur ngjarja ka shumë kamera sigurie dhe ato konsiderohen me tepër rëndësi për hetuesit dhe zbardhjen e ngjarjes.
Deri më tani dy pistat kryesore të hetimeve janë: ajo e hakmarrjes dhe ajo e ndonjë konflikti të mundshëm të kohëve të fundit.