Policia greke ka vënë në pranga një nga autorët e dyshuar të vrasjen së Besnik Hidës në vitin 2019. Ardian Ahmetaj, 51 vjeç, u vu në pranga në Pire, në kuadër të operacionit policor ndërkombëtar, “The Wanted”.
Ahmetaj ishte i shpallur në kërkim ndërkombëtar pasi Gjykata e Fierit, në vitin 2023, ka caktuar masën e sigurimit “Arrest në burg”, për veprën penale “Vrasje me dashje, kryer në bashkëpunim” dhe “Mbajtja pa leje e armëve të zjarrit dhe municionit”.
51-vjeçari në bashkëpunim me Laert Haxhiun dhe Orgest Bilbilin, dyshohet se në vitin 2019 në Lushnje, kanë vrarë me armë zjarri, Besnik Hidën. Interpol Tirana vijon bashkëpunimin me Interpol Athinën, me qëllim ekstradimin e ketij shtetasi në Shqipëri.