Një ngjarje tronditëse ka ndodhur në gjimnazin “Siri Shapllo” të Gjirokastrës, ku një nxënës 17-vjeçar, A. M., është hedhur nga dritarja e katit të dytë të shkollës, duke pësuar dëmtime të konsiderueshme dhe përfunduar në spital.
Ngjarja ndodhi gjatë orës mësimore, në sy të shokëve të klasës dhe stafit pedagogjik. Burime nga policia dhe Drejtoria Arsimore bëjnë me dije se incidenti lidhet me një bast absurd prej 10 mijë lekësh të vjetra, vendosur mes disa nxënësve. Tre prej tyre kanë dëshmuar se adoleshenti “u hodh për bast”.
Fatmirësisht, 17-vjeçari ndodhet jashtë rrezikut për jetën, por me dëmtime në gjymtyrë, ndërsa është shtruar në Spitalin Rajonal të Gjirokastrës.
Por kjo nuk është një ngjarje e izoluar. Në të njëjtin institucion, brenda tre muajve kanë ndodhur edhe dy raste të tjera tragjike, ku dy nxënës 16-vjeçarë kanë humbur jetën në rrethana ende të paqarta.