Turoperatorët: Prenotimet vazhdojnë deri në Tetor
Koha e mirë dhe e ngrohtë ka favorizuar pushuesit që të shijojnë plazhin e Shëngjinit edhe në këtë fundjavë të tretë të Shtatorit. Plazhi, rëra kurative e Shëngjinit, por dhe çmimet e leverdishme për pushuesit janë gjithashtu arsye më se të mjaftueshme për qëndruar në brigjet e Lezhës këtë Shtator.
Operatorët turistikë pohojnë zgjatjen e sezonit veror përtej Shtatorit dhe kjo, jo vetëm falë shqiptarëve të Kosovës, gjithmonë besnikë të Shëngjinit, por edhe interesit në rritje të të huajve.
Pastërtia dhe kulinaria janë po ashtu për pushuesit një arsye më shumë për të pushuar në Lezhë.