Nëna që braktisi foshnjën e porsalindur në bodrumin e një pallati në Yzberisht, është identifikuar nga policia.
Ndërkohë që mësohet se 30-vjeçarja (më herët policia njoftoi se ishte 29 vjeç) është dërguar në spital. Uniformat blu njoftojnë se pasi ka përfunduar procesi i marrjes në pyetje, e reja është dërguar për ndihmë mjekësore.
Për shkak të lindjes në kushte të vështira (ne bodrum), 30-vjeçarja ka shfaqur komplikacione me shëndetin.
“Tiranë/Informacion shtesë Në lidhje me ngjarjen e ndodhur ditën e sotme, e cila bën fjalë për gjetjen e një foshnje të porsalindur në bodrumin e një pallati në Yzberisht, ju informojmë se: Shërbimet e Komisariatit të Policisë Nr. 6 kanë bërë të mundur identifikimin dhe shoqërimin e një 30-vjeçareje, si autore e dyshuar e kësaj ngjarje. Pas identifikimit dhe shoqërimit, shërbimet e Policisë e kanë dërguar 30-vjeçaren për ndihmë mjekësore në spital, dhe aktualisht ndodhet nën kujdesin e mjekëve”, njofton Policia.